Oyoqdan yoqimsiz hid kelsa, qaysi organni tekshirtirish kerak?

Jigar ovqat hazm qilish tizimining asosiy organi bo‘lib, organizmni zaharlanishdan himoya qiladi. Jigar kasalliklarining 100 ga yaqin turlari mavjud. Ushbu kasalliklar har yili yuz minglab odamlarning hayotiga zomin bo‘ladi. Har yili 2 milliondan ortiq odam jigar saratoni va sirrozdan vafot etadi. Jigar kasalliklarining makkorligi shundaki, dastlabki bosqichlarda hech qanday alomat kuzatilmaydi, deb yozadi Wday.

Ammo jigar muammolarining aniq belgisi bor — oyoq va tanadan keladigan yoqimsiz hid. Jigar salomatligini oyoq va tanadan keladigan hidga qarab aniqlash mumkin. Ayniqsa, oyoq kasalliklari, jumladan, yomon hid ko‘pincha muammo sifatida qayd etiladi.

Inson terisi nafaqat himoya, balki chiqarish funksiyasini ham bajaradi: metabolik mahsulotlar va toksinlar ter bezlari orqali tanadan chiqariladi. Jigarning shikastlanishi bilan toksinlar organizmda to‘plana boshlaydi, qon oqimi buziladi, bu esa buyraklar faoliyatiga ta’sir qiladi. Buyraklar buzilgan taqdirda, organizm ter bezlari tufayli zararli moddalarning yetarli darajada chiqarilishini qoplashni boshlaydi. Ko‘proq toksinlar teriga o‘tadi, terlash jarayonida esa o‘tkir va yoqimsiz hid kela boshlaydi. Avvalo, bu hid oyoqlarda paydo bo‘ldi.
 

Bundan tashqari, jigar kasalligining belgilari oyoqlarda shishni o‘z ichiga oladi. Ish kunidan keyin shish paydo bo‘lishi sirroz, gipertoniya va albumin miqdorining kamayishi bilan bog‘liq bo‘lishi mumkin.

Oyoqlarda bo‘rtgan tomirlarning paydo bo‘lishi, mayda jigarrang dog‘lar yoki terining kuchli qizarishi (eritema) ham jigar bilan bog‘liq muammolarni ko‘rsatadi. Eritema jigar patologiyalarining, birinchi navbatda, autoimmun yoki virusli gepatit va sirozning natijasi bo‘lishi mumkin.

Ushbu belgilar tashxis qo‘yish uchun asos bo‘la olmaydi, ular faqat patologiyalarning rivojlanishini va o‘z sog‘lig‘iga e’tibor berishga yordam beradigan alomatlarni ko‘rsatadi. Oyoqlardan yoqimsiz hiddan tashqari boshqa alomatlar bo‘lsa, shifokorga tashrifni kechiktirmaslik tavsiya etiladi.

Jigarni kasalliklardan himoya qilish va sog‘liqni yaxshilash uchun sog‘lom turmush tarziga rioya qilish va kasalliklarning rivojlanishini qo‘zg‘atmaslik kerak.

• avvalo yaxshi ovqatlanishni boshlash:
• shakar va tez uglevodlarga boy ovqatlarni ko‘p iste’mol qilmaslik;
• oqsil miqdorini kuzatib borish;
• konserva va trans yog‘larini iste’mol qilishni cheklash;
• antioksidant va fermentlar yetishmasligining oldini olish uchun yangi sabzavot va mevalar miqdorini oshirish.
• spirtli ichimliklar ichmaslik va haddan tashqari ko‘p dori-darmonlar qabul qilmaslik lozim. Albatta bularning jigar uchun nojo‘ya ta’siri mavjud.