«Yurak yig’lar»

14.02.2014

6230

«Yurak yig’lar»… Bir guruh kinoijodkorlar tomonidan yangi film suratga tushirildi va ushbu film aynan shunday nom oldi. Tez kunlarda katta ekran yuzini ko’rishi kutilayotgan «Yurak yig’lar» filmida ayni damda montaj va dublyaj ishlarining yakuniy qismi bo’lib o’tmoqda.

Mazkur kartinada siz «Benom» guruhi yigitlari Sarvar va Komil hamda Zarina Nizomiddinovani bosh rollarda ko’rishingiz mumkin. «Yurak yig’lar» filmida sevgi uchburchagi yongan muhabbat namoyon bo’ladi. Film rejissori Akrom Shohnazarov, prodyuser Mirshod Rajabov, ssenariy g’oyasi esa Sarvar Azimovga tegishli. «Yurak yig’lar» kinokartinasida Sarvar Ali obrazida, Komil esa Behruz obrazida gavdalanadilar. Aslida film prodyuseri filmda Sarvar va Komil o’z ismlarida chiqishini so’ragan edi, biroq rejissor va «Benom» guruhi yigitlari kelishgan holda bosh qahramonlarni Ali hamda Behruz deb nomlanishiga kelishib olishgan. Filmni tomosha qilar ekansiz, unda G’urur va Muhabbat qarama-qarshiligiga guvoh bo’lasiz, taqdir zarbalariga duch kelgan sevgi qissasini ko’rishingiz mumkin.