OZODBEK NAZARBEKOV KONSERT DASTURIGA TAYYORLANMOQDA

Har yili qish yakunlab qolganda hamammiz bahorni qanchalik sog'inganimizni his qilamiz. O'zbekiston Xalq artisti Ozodbek Nazarbekovning muxlislari ko'klam bilan bir qatorda sevimli xonandalarining konsertini intiqib kuta boshlashadi. Chunki konsertlar kutishga arziydi. Axir Ozodbek Nazarbekov har yilgi konsert dasturlari 100 foiz yangi qo'shiqlardan tashkil topishi uchun yil bo'yi tinmay ijod qiladi. Albatta yangi qo'shiqlarni konsertda birinchilardan bo'lib tinglash kishiga ozgacha zavq bag'ishlaydi. Ayni kunga qadar yangi ashulalardan 12 tasi tayyor bo'ldi. Ammo bu xammasi emas. Yana xuddi shu miqdordagi taronalarni yaratish rejalashtirilgan. Agar siz, aziz muxlislarga imkon berilganda, 2013 yilgi konsert dasturiga qaysi qo'shiqlarni kiritgan bo'lar edingiz? Shu bugungi kungacha Ozodbek tomonidan ijro etilgan qaysi taronani konsertda tinglashni istar edingiz?