Mirzabek Holmedovning o'limi haqidagi xabar yolg'on ekanligi tasdiqlandi

25.11.2016

2997

Bugun ijtimoiy tarmoqlar, shu jumladan telegram kanallari orqali taniqli so'z ustasi Mirzabek Holmedovning o'limi haqidagi xabarlar tarqaldi. "Mirzabek Holmedov kutilmaganda yuz bergan yurak xuruji oqibatida bugun soat 16:50da kasalxonada hayotdan ko'z yumdi", deb yozilgan xabar matnida.

Kun.uz nashri Mirzabek Holmedovning oila a`zolari bilan bog'lanib, bu xabarning yolg'on ekanligini aniqladi. Ma`lum bo'lishicha, san`atkor hozirda ko'hna Samarqand shahrida gastrol safarida ekan. Mirzabek Holmedovning o'g'li Ulug'bek o'zining Instagram tarmog'idagi sahifasi orqali ham bu xabarga munosabat bildirib, uning yolg'on ekanligini tasdiqladi.