"Bir haftalik ho'jayin" dublyaj ishlari boshlandi

25.08.2013

5333

Rejissyor Sherzod O’lmasov "Tasodif” filmidan so’ng yana bir yangi komedik film suratga oldi.  Ushbu film "Bir haftalik ho’jayin” deb nomlangan bo’lib, ssenariy muallifi Fahriddin Abdusattorov. Bosh rollarni  Nargiza Salmonova, Yoqub Ahmedov, Alisher Parmonov ijro qilishgan. Bundan tashqari filmda yana ko’plab mahoratli aktyor va aktrisalarni ko’rish mumkin. Jumladan Zuhra Soliyeva, Feruza Sobitova, Jumadulla Rametov, Umid Shodmonov va boshqa yosh va yorqin kino ijodkorlar ansambli turli rollarni ijro qilishgan.  Filmning asosiy  g’oyasi -hozirgi kunda faoliyat yuritayotgan ko’plab rahbarlarning qanday ish yuritayotganlari, hodimlari bilan munosabatlarini ko’rsatib berishdir. "–Bu filmda yuqoridagi g’oya keng va har tomonlama yoritib berilganki, uni tomosha qilgan har bir inson o’ziga saboq oladi. Chunki bugungi kunda ko’plab rahbarlar o’z hodimi bilan yomon munosabatda, qo’pol muomalada bo’libgina qolmay, ularni eshitishni ham tushunishni ham xohlamaydi”,- deydi  rejissyor Sherzod O’lmasov. Filmda voqealar rivoji bir haftaning ichida sodir bo’ladi. Ya’ni bosh rahbar chet elga xizmat safari bilan bir haftaga uchib ketadi. O’rniga qoldirgan hodim bir hafta rahbarlik qiladi. Bu vaqtning ichida sodir bo’lgan voqealarni kino ijodkorlar komedik – melodrama janri orqali ko’rsatib berishgan.