Apple компанияси 40 ёшда

01.04.2016

1356

Американинг Apple компанияси бугун, 1 апрель куни ўзининг 40 йиллик таваллудини нишонламоқда. Сўнгги тўртта ўн йиллик давомида фаолиятини гараждан бошлаган ҳаваскор лойиҳа 600 миллиард атрофидаги капиталга эга жаҳондаги энг йирик компаниялардан бирига айланди.

Оддий компьютер тизимлари савдосидан бошлаган Apple бугунги кунда 18та мамлакатда ўзининг 480та дўконига эга, унинг соф даромади эса 2015 йили 53 миллииард доллардан ошди.

Компаниянинг ҳар бир маҳсулоти турли даврларда жаҳон электроника бозорида мислсиз ютуқларга эришган.

Корпорация ишлаб чиқараётган энг машҳур қурилмаларига - iPod мусиқий плеери, ноутбуклар, iMac компьютерлари, шунингдек iPhone смартфонлари киради. Apple маълумотларига қараганда, iPhone смартфонларидан дунёда 1 миллиарддан ортиқ киши фойдаланади. Компания раҳбари Тим Кук яқинда берган интервьюларининг бирида буни эътироф этди.

"Ҳеч ким Phone’нинг бундай машҳур бўлиб кетишини кутмаганди. Бу Apple’нинг дунёга қандай таъсир кўрсатаётганлигидан далолатдир", - дейди у.

"Apple интернетдан фойдаланишда замонавий турмуш тарзини белгилаб берди", -дейди Creative Strategies аналитик фирмаси раҳбари Тим Бэжерин.